電影

關鍵字：盜墓迷城3　木乃伊3　The Mummy:Tomb of the Dragon Emperor  

--------------------------------------------------------------------------------

今次，主角一家人為左將一件被盜的珍貴藝術品帶回中國上海，誤中圈套，讓遠古前被女術士(楊紫瓊飾)施咒、並封印在喜馬拉雅山之地下墓陵的漢皇(李連杰飾)，從千年沉睡中甦醒…

賣點？今次佢地黎到中國冒險喎！我真係想知係中國以前d人西利d丫？定係主角佢地西利d可以?到d好野人 -_-" (不過鬼佬拍既片...答案應該好明顯..如果唔係就拍唔到第4集啦。)

另外有：李連杰、楊紫瓊、梁洛施、黃秋生、尊漢勒、王盛德等中國演員。再加上耗資近2億美元的800多個特技鏡頭。本片絕對應該入戲院睇完再買碟返屋企慢格重播！(咁當然，down定買…又或者買大陸版定正版就見仁見智啦。)   

關鍵字： 蝙蝠俠6：黑夜之神　蝙蝠俠6：黑暗騎士　蝙蝠俠前傳2　蝙蝠俠：哥譚騎士

------------------------------------------------------------------------------------

我要先說明一點，在過去 (蝙蝠俠前傳1 或稱 蝙蝠俠5 或稱 蝙蝠俠：俠影之迷) 之前，我從來無中意過蝙蝠俠。

原因好簡單…就係唔中意，唔知佢有乜好睇…而且我由細到大都比較鐘情於蜘蛛俠~(加上蝙蝠俠電影版頭4集實在太悶。)

直到有一日，我好悶咁係屋企睇左俠影之迷…發覺重新編排過的情節更為合理，而且內容豐富。

因此，今次"前傳第2集"就成為左我暑假最想睇既一出電影。

今集入面我最想知道既就係依個 ↓ 小丑角色會做出d乜野出人意表既事。

另外，係大家睇《蝙蝠俠6：黑夜之神》之前，我極度建議大家上網睇左《蝙蝠俠：哥譚騎士》先。

《蝙蝠俠：哥譚騎士》係包含左六、七個短編故事既動畫 (學晒廿二世紀殺人網絡果d野)，而時間上，哥譚騎士既故事內容正正發生在《蝙蝠俠5：俠影之迷》與《蝙蝠俠6：黑夜之神》之間。所以，大家可以當佢係「蝙蝠俠前傳v1.5」。依幾個故事交付左蝙蝠俠係《蝙蝠俠6：黑夜之神》入面部份情節同來龍去脈。(例如解釋了蝙蝠俠點解會唔怕比子彈射中以及蝙蝠俠同幾個警官之間的新關系等等)

唔知...有無人會約我去睇呢..........

關鍵字： 我要相信：X-File　The X-File: I Want to Believe.

------------------------------------------------------------------------------------

要講，當然係「我要相信：X-File」先啦！

等左足足十年！終於等到依一日…當我係電視見到廣告時，幾乎想喊。

係我心目中「美劇」稱得上係經典既，第一出就係X-File，而另一出就係F.R.I.E.N.D.S

以前追開X-File果陣，每日唔睇一睇佢地預告都會唔舒服！每個星期都好似為左等睇全新一集而活咁。

我仲好記得，每逢夜晚做X-File之前，就會收到阿恬既電話，跟住就係一句：「哇~阿莫好型呀！」

嘿嘿，咁就十年。

X-File雖然已經播左十季，而且仲完結左咁耐，之但係佢所留下既大量迷題到今時今日都仲未解開。

究竟…今次相隔咁多年後…睇返男女主角仲會唔會想佢地一齊呢 ~"~ 而佢地個B又會唔會係關鍵？

真係好緊張..........

[P.S.: 網上影評好似好差咁 >_<]