朋友

　　　我相信世界末日來到的話，

　　　上帝只會睇我地一生做過D乜，而並非做到D乜。

　　　你好努力，為其他人努力，但你傷害左自己。

　　　但你有無考慮過，真正想果ｄ關心你既人開心，你就應該更愛惜自己？

　　　做一隻棋唔係可憐o既事，但做一隻認命既棋就非常非常可憐。

　　　＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

　　　我好高興，因為識到你地，大家有相同既背景、同樣既壓力。

　　　＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

　　　乜　重要？

　　　無晒會點？比人握晒去又點ＪＥ！究竟最重要既係乜野你自己都唔知。

　　　屋企人一齊健健康康，開開心心咁生活，係咪重要Ｄ

　　　．．．　．．．　．．．

　　　真係好唔開心好唔開心好唔開心。

　　　點解個個女仔都要咁辛苦！！

　　　點解　點解　點解

　　　唔知可以講乜，只知道再見到你咁樣我地個個都想喊。

　　　有時ｄ野唔得咪唔得囉，做唔到咪做唔到囉，放棄咪放棄囉！

　　　你就只識得死頂，頂到自己好強頂到自己做得到頂到自己可以頂得住…

　　　最後呢？　你只係想做個普通女人。

　　　路，唔係得一條。

　　　路，係有得選擇架…

　　　你係無勇氣選擇、無勇氣放棄。

　　　一個人黎，一個人去。

　　　我問你幫得幾多個？你成日話佢地當你係乜，

　　　咁你自己有無諗過你又當自己係乜？

　　　你根本由頭到尾都無幫自己諗過一樣野。

　　　軟弱唔係罪黎架！

　　　是旦搵扮工，幾千蚊一個月，一樣可以生活得好開心。

　　　人生係屬於你自己既野，點解唔可以咁樣選擇？

　　　如果因為你唔去做而唔再愛你既話，果ｄ人都唔直得你去愛。

　　　因為佢地根本無愛你，無理會過你既感受！

　　　你想保護所有野既心我地明白，但邊個去保護你？

　　　＝＝＝＝＝＝＝＝＝＝＝＝＝＝＝＝＝＝＝＝＝＝＝

　　　愛唔係擁有，愛係最單純既祝福而已。

　　　＝＝＝＝＝＝＝＝＝＝＝＝＝＝＝＝＝＝＝＝＝＝＝

　　　我地唔可能幫你做到任何決定，

　　　因為責任、屋企、愛人都係你自己要面對既野。

　　　只不過，作為朋友，作為知已，無一個人想見到你死。

　　　我地無人會同你計錢、無人會同你計時間、無人會同你計責任。

　　　我地只希望你學識點樣做先可以對自己好ｄ。

　　　對自己好唔代表自私，幫晒人地諗，亦唔代表你係做得岩、做得好。

　　　唔好浪費你身邊咁多好朋友既祝福。

　　大家小學五年級時有什麼回憶？我有好多。。。

　　記得小五年級的某一個晚上，自小愛看科幻動畫的我發了一個很有趣的夢，

　　我夢到有一位戰士與一大班朋友一起去冒險、打怪物。

　　第二天，我忙著與好友徐智、阿輝、阿榮、阿豪等人講述這個有趣非常的故事。

　　在大家的提意下，我們決定要出一本書。而我，就把自己所夢到的這故事寫下去。

　　就誕生了這一本書：《少年俱樂部》

　　小五那一年，我們一班男仔(大約12人)自己私下一共把書出了三期

　　（無記錯小六果年有第4期，但出唔出得成書就唔記得左），

　　現在再次返看，內容實在太豐富…

　　　身邊咁多朋友發生過咁多事，慢慢都開始有D習以為常。

　　　但今次，真係一返屋企就想喊。

　　　好耐好耐　無試過有事可以打動到我咁唔開心。

　　　係因為我太了解果種感覺，定係太了解你地　？

　　　我想講好多開心既說話，但係我聽完之後自己都好唔開心。

　　　類似既事唔只係你身上發生，點解你今次既故事會令我咁感觸呢？

　　　可能結論都係果一點，我與你係同一類人，感性同理性兩方面都好了解。

　　　明明好想簡簡單單去做某件事，但往往又因為明白太多道理難以解決。

　　　依種痛不欲生既感覺，依種生不如死既痛。

　　　明知無乜可以講、亦都幫唔到D乜。所以最後我只可以比「深呼吸」三個字比你。

　　　希望你緊張時可以放鬆心情、唔開心就盡管去喊、訓唔著就乜都唔洗煩一覺訓天光

　　　我唔會叫你「加油」「努力」因為你已經太努力、太比心機，所以先會咁唔開心。

　　　我令願見到你大聽喊出黎都唔想見到你死頂……

　　　===========================================

　　　我又記起你以前問過我既一個問題：

　　　「你中意天空既藍多D，定係白雲多D？」

　　　我回答：「我中意藍天同白雲一齊出現既天空，藍天加上白雲先係最靚既。」

　　　=============================================

　　　希望你再次感到傷心、失茖時，可以搵到一個比你任意望天既地方，

　　　一個能夠望到藍天白雲原美配合既地方。

1.) 同阿業、阿深出去聚左一聚。

2.) 華姐急CALL唱K，全世界人一定要出現(因為上次約好晒但最終得六丁友)…所以今次無人夠膽唔黎。

3.) 同場加影：倩倩同阿PAT都結婚LU~真係好鬼幸福！( 好大個爆彈 =_=" )

4.) Apple終於要走人，返去佢自己既地方…星期六日晚再見！

      ← 餐飯明明係歡送Apple，但唔知點解無一張相影到佢。

5.) 阿Ben新屋留影